شاهد معنا نشرة أخبار التكنولوجيا الأسبوعية من 16 سبتمبر حتى 23 سبتمبر

5 sec read


1- أول أخبارنا متابعة لشركة سامسونج واللى عملته علشان تقلل من تأثير كارثة انفجار البطاريات فى هاتفها نوت7

  • يوم الخميس 15 سبتمبر أعلنت سامسونج عن إطلاق موقعاً يقولك البطارية في تليفونك النوت7 اتصلحت عند سامسونج ولا لأ علشان تطمنك ان حياتك مش في خطر عبر ادخال الـ IMEI أو السريال نمبر الخاص بجهازك
  • أما يوم الثلاث 20 سبتمبر: سامسونج نزلت تحديث للنوت 7 وأضافت تطبيق يقولك إذا كانت بطاريتك من النوع القابل للانفجار ام آمن. وسيقوم بإطفاء جهازك بعد دقيقتين من تشغيله مع رسالة تنبهك بإعادة الهاتف إلى مركز البيع ليتم استبداله.
  • أما يوم الأربعاء 21 سبتمبر: سامسونج أعلنت عن توفير 500000 (نصف مليون) جهاز جديد آمن في الأسواق الأمريكية.

2- نسيب أخبار سامسونج ونروح لأبل … لأن من الواضح إن المشاكل ماتوقفتش عند شركة سامسونج كمان شركة أبل عانت من بعض الشكاوى بعد إطلاق الأيفون 7 وانحصرت المشاكل اللى تم الإبلاغ عنها فى ظهور صوت عالى عند منذ السماعات الستيريو الجديد وده اللى أكدته العديد من الفيديوهات اللى اتنشرت على موقع يوتيوب …. كمان كان في مشكلة برمجية فى منفذ السماعات عن طريق المحول  إنها بتوقف أزرار التحكم بالصوت عن العمل والتليفون ما تقدرش تتحكم فيه لغاية ماتشيل السماعة من التليفون وترجعها مرة تانية وأبل أعلنت عن صدور حل لتلك المشكلة مع التحديث القادم للنظام …. بالإضافة إن التحديث الجديد لل، iOS 10 تسبب فى مشكلة أدت لتوقف العمل فى الجهاز وفقدان بعض المستخدمين لبياناتهم وبضه تم حل المشكلة دى وأبل أعلنت إن كل شئ ماشى مظبوط…. أبل أعلنت بشكل رسمي الأسبوع ده عن إطلاق الإصدار الجديد من نظام تشغيل أجهزة ماك اللى إسمه macOS Sierra على الأجهزة،

مكملين مع أخبار شركة أبل والخبر المرة دى عن مشروع آبل السري Project Titan واللى الشركة من خلاله تهدف لإنتاج سيارة ذاتية القيادة عام 2021 ، والخبر بيقول إن فى مفاوضات للاستحواذ على شركة مكلارين الشهيرة للسيارات فى مفاوضات رجحت إن تنتهى باستحواذ قيمته 1.5 مليار دولار .. وده هيدي أبل دفعة كبيرة فى مشروعها.

3- الأسبوع ده برضه كان حافل عند شركة جوجل …. اللى أطلقت الأسبوع ده تطبيقها Allo وده تطبيق مخصص للدردشة والمحادثات بتنافس بيه واتس آب وفايسبوك ماسنجر وبيتميز بوجود مساعد جوجل اللى تقدر تسأله أى سؤال يدور فى بالك خلال المحادثة علشان يدور عليها ويرد عليك … التطبيق متاح للأندرويد والأيفون لجميع المستخدمين حوالين العالم……. كمان أطلقت جوجل تطبيق السفر الخاص بيها Google Trips واللى قالت عليه إنه دليل سياحى فى جيبك علشان تقدر تخطط لرحلتك وحجوزاتك وإقامتك بمساعدة العملاق جوجل…. كمان أعلنت جوجل عن الحدث بتاعها واللى هتطلق فيه هواتفها الجديدة PIXEL واللى هيكون يوم 4 أكتوبر القادم.

4- واتس آب يصدر تحديثاً جديداً يمكنك من الإشارة لأحد الأشخاص فى المحادثة عبر الضغط على رمز  @ وبعد كده هتيجى قائمة بالأصدقاء يمكنك الضغط على اسمه ليصل إليه اشعار بالمحادثة

5- تويتر الأسبوع ده عملت تحديث مهم برضه فى إنها لغت احتساب الروابط والأسماء والصور والاقتباسات من ضمن الـ 140 حرف فى التغريدة يعنى دلوقتى الـ 140 حرق هيبقوا للكتابة والهرى بس.

6- تطبيق إنستجرام أطلق تحديث جديد بيخلى المستخدمين يقدروا يحفظوا درافت من صورهم بعد التعديل عليها لنشرها فى وقت لاحق وت اطلاق التحديث للأندرويد والأيفون.

7- الجديد فى الهواتف الذكية هو ظهور صور مسربة لهاتف شركة HTC الجديد واللى اطلقت عليه اسم BOLT الغريب بقى إن صور الهاتف أظهرت إنه مفيش فيه منفذ للسماعات … فهل ياترى هيبقى فيه توجه من شركات الهواتف لتقليد أبل ويلغوا منفذ السماعات ده اللى هنعرفه الأيام الجاية…. كمان الأسبوع ده أطلقت إتش تي سي هاتفين جداد من فئة الهواتف المتوسطة هما ديزاير 10 برو وديزاير 10 لايف ستايل

8- متصفح أوبرا على سطح المكتب أصبح يدعم تقنية  VPN وده بعد إطلاق الإصدار رقم 40

9- وعلى الصعيد المحلى شركات المحمول الثلاثة فى مصر لم تتقدم لرخصة الجيل الرابع 4G وكان أهم الأسباب اللى اتقالت عدم وجود ترددات لتقديم الخدمة بشكل كافى وسريع طبقا للقياسات العالمية يعنى من الآخر الخدمة كانت هتبقى غالية وتطلع بلح فى الآخر.

Journas

Never miss a story from us, get a weekly update to your inbox