شاهد معنا نشرة أخبار التكنولوجيا الأسبوعية من 1 أكتوبر حتى 7 أكتوبر

17 sec read


1- زي ماشفنا الأسبوع اللى فات جوجل كانت مستحوذة على أهم الأخبار فى عالم التقنية بمؤتمرها الى كان يوم الثلاثاء 4 أكتوبر ومعاكم جولة بسيطة عن أهم المنتجات اللى أعلنت عنها الشركة فى مؤتمرها

** أول حاجة أعلنت عنها الشركة كانت هواتف بيكسل اللى اتصنعت عن طريق جوجل ونزل منها Pixel  و Pixel XL بمعالج رباعي النواة Snapdragon 821 مدعوم بـ 4 جيجا رامات وسعات تخزين داخلية 32 و128 جيجا بالإضافة إلى قارئ البصمة البيومترية، بالنسبة للكاميرا فهواتف بيكسل كاميرتين الأولى في الواجهة الخلفية بدقة 12 ميجابيكسيل والثانية في الواجهة الأمامية بدقة 8 ميغابيكسيل بالإضافة ونظام تشغيل أندرويد 7.1 Nougat  وهتتوفر في ثلاث ألوان الأسود والفضي والأزرق.

الفرق بين الـ Pixel  و الـ Pixel XL  هو حجم الشاشة فى بيكسل 5 بوصة وسعة بطارية 2770 مللى أمبير وسعر يبدأ من 649 دولار ، أما فى بيكسل إكس إل حجم شاشة 5.5 بوصة وسعة بطارية 3450 مللى أمبير وسعر يبدأ من 770 دولار.

** جوجل واى فاى : وده عبارة عن راوتر بيغطى مساحة 140 مترا وبتتميز بتصميم دائري الجهاز الواحد بسعر 129 دولار أو 3 أجهزة معا بسعر 299 دولار.

** نظارة الواقع الافتراضي الجديدة  Day Dream View هتتوفر النظارة في شهر نوفمبر اللى جاى، بسعر 79 دولارا

** جوجل كروم كاست ألترا : وهيتوفر برضه فى شهر نوفمبر بسعر 69 دولار.

** أخر منتج أعلنت عنه جوجل هو سماعة جوجل هوم وبتدعم الأوامر الصوتية وتقدر تنفذلك مهام كتيرة فى البيت وتجاوب على أسئلتك بمساعدة جوجل أسيستانت ودى هتتوفر فى الولايات المتحدة فقط بسعر 129 دولار

هتلاقى تقرير كامل عن المنتجات من خلال الرابط ده .

** مكملين مع أخبار جوجل والخبر عن متجر جوجل بلاى اللى بيسمح لك بتجربة الألعاب مُباشرةً على المتجر قبل تنزيلها هيظهر عندك جنب اللعبة زرار  Try Now “جرّب الآن” جنب زرار التنزيل أو الشراء. وهيتم تشغيل اللعبة مباشرةً عندك من غير ماتنزلها وده لمدة 10 دقائق للتجربة قبل أن تتوقف تلقائيًا.

2- سامسونج أعلنت عن نيتها وخططها للإستحواذ على منصة  Viv ودى الشركة اللى قدمت تقنية المساعد الافتراضي Siri لأبل سنة 2010  والخطوة دى تعتبر خطوة مباشرة من سامسونج لمنافسة ابل، وفى إطار الإعلان ده يبدو أن مع هذا الاستحواذ Viv هتفضل شركة مستقلة عن سامسونج، هيتم الإعلان بالكامل عن تفاصيل الصفقة بين الشركتين وقيمتها المالية خلال الفترة القادمة.
 

3- وفقا لتقرير جديد شركة Lenovo  عملاق الحواسيب مهتمة بالإستحواذ على قسم الحواسيب في شركة  Fujitsu والإشاعات  بتقول إن فى اقتراحين للدمج الأول شركة Fujitsu هتقوم بنقل عمليات تصميم الحواسيب، والتطوير، وعمليات التصنيع لمشروع مشترك تقوده شركة Lenovo. والإقتراح التانى هو أن تقوم شركة Lenovo هتقوم بالإستحواذ الكامل على قسم الحواسيب التابع لشركة Fujitsu إذا تم التوصل إلى إتفاق، وده هيخلى حوالى 2000 موظف في شركة Fujitsu ينتقلوا للعمل في شركة  Lenovo.

4- الخبر ده من شركة أسوس واللى قاممت بطرح هاتفها Asus ZenFone 3  للطلب المسبق فى السوق العالمي والهاتف ده بالمواصفات  التالية :

* شاشة Corning Gorilla Glass 3 قياس 5.5 إنش دقة  FHD

* معالج Qualcomm Snapdragon 625 ثماني النواة بتردد 2 جيجاهرتز

* الذاكرة العشوائية 4 جيجابايت

* مساحة التخزين الداخلية 64 جيجابايت

* بيدعم شريحتي اتصال بتقنية 4G

* الكاميرا الخلفية بدقة 16 ميجابيكسل والأمامية بدقة 8 ميجابيكسل

* بطارية سعة 3000 ميلي أمبير

* أندرويد 6.0 مارشميللو

* قارئ للبصمة

* منفذ  Type-C

* الوزن 177 جرام

* السمك 7.7 مللى متر

الهاتف هيتم طرحه بـ 3 الوان والأسعار هتكون حسب اللون الأبيض بسعر 389.99 دولار والأزرق بسعر 379.99 دولار أمّا الذهبي فهو الأغلى بسعر 461.72 دولار. والأسعار تتضمن الشحن المجاني إلى جميع الدول.

5- تحديث جديد الأسبوع ده لبرنامج واتس أب على أندرويد يخليك تقدر تضيف رسوم ورموز التعبيرية فوق الصور والفيديو قبل مشاركتها وده مطابق تماما للى موجود فى تطبيق سناب شات كمان هتقدر تعدل ألوان النصوص وأحجام الرموز التعبيرية. وفى تحديث كمان لميزة (الفلاش) لصور السيلفي والتحديث ده بيحول الشاشة إلى اللون الأبيض للاستعانة بإضاءتها من أجل التقاط صور أفضل عبر الكاميرا الأمامية في ظروف الإضاءة المنخفضة.

6- فيس بوك أطلقت ألأسبوع اللى فات تطبيق Messenger Lite للأجهزة القديمة وخطوط الإنترنت البطيئة بيتيح معظم المميزات الأساسية لنسخة Messenger العادية بس بمساحة لا تتجاوز 10 ميجابايت واستهلاك أقل للذاكرة والإنترن والتطبيق ده موجة لأصحاب الهواتف القديمة واللى نظام الأندرويد فيها قديم التبيق هينزل دلوقتى لـ 5 دول هما تونس وكينيا وماليزيا وسريلانكا وفينزويلا.

7- شركة Wacom  أعلنت الأسبوع ده عن إطلاق خط إنتاجها الجديد من أجهزة MobileStudio Pro اللوحية اللى جاية بنظام تشغيل ويندوز 10، وكاميرات 3D، بتستهدف شركة Wacom بسلسة الأجهزة اللوحية الجديدة جذب فئات المهندسين المعمارين، و مصممي نماذج 3D، ومستخدمي CAD وغيرهم من، وده بيخلى كاميرات الـ 3D نقطة تسويق مهمة للأجهزة دى، يبدأ سعر الأجهزة من 1499دولار إلى 2999 دولار، وهتنزل الأسواق في شهر نوفمبر.

8- شركة Kodak الشهيرة فى عالم التصوير الفوتوغرافى عملت حملة إعلانية تشويقية لهاتف ذكي جديد يوم 20 أكتوبر والمعروف إن شركة Kodak دخلت سوق الهواتف الذكية السنة اللى فاتت بالهاتف  Kodak IM5، التصميم والمواصفات التقنية الخاصة بالهاتف الجديد مش معروفة لحد دلوقتى، إحنا مش متوقعين الكتير وهنستنى الإعلان عن الهاتف.

9- الخبر ده عن تطبيق إنستاجرام واللى أعلن إنه بعد مرور شهرين على إطلاق ميزة الـ stories الخاصة بيه إن عدد المستخدمين للميزة دى بلغ 100 مليون مستخدم نشط شهريا من غير معرفة عدد المشاهدة الإجمالية اليومية، وزىماكلنا عارفين إن إنستاجرام ناحت الخاصية دى من تطبيق سناب شات واللى بيبلغ عدد المشاهدات اليومية 10  مليار مشاهدة يومياً بيعملها مستخدميه الـ 150 مليون النشطين.

10- الخبر ده عن شبكة تويتر واللى اتردد أنباء كتير الأسبوع ده عن قرب موعد طرحها للبيع وإن فى محادثات كتير بتتم للحصول على هذه الشبكة وبرغم الغموض المحيط بالأخبار دى إلا إنه الأنباء كتير وقوية ومسألة شراء تويتر مسألة مغرية لشركات كتير فى عالم التقنية واللى بيتصارع عليها كتير أبرزهم جوجل و سيلس فورس ومايكروسوفت وفيرايزون ووالت ديزنى وأمازون مفيش موقف رسمى من تويتر بس زى مابيقولوا الكلام كتير فهل سيتم اتخاذ قرار البيع لهذه الشبكة أم لا ؟؟؟ ده الل هتكشف عنه الأيام الجاية.

Journas

Never miss a story from us, get a weekly update to your inbox