بالخطوات كيف تحصل على الدعم المالي لشهادات موقع كورسيرا التعليمي

18 sec read

الدعم المالي لشهادات موقع كورسيرا التعليمي

كورسات التعلم الذاتي MOOC

– لم يعد ممكناً فى الوقت الحالي تجاهل مسارات التعلم الذاتي على الإنترنت كما كان فى السابق فقد أصبح التعلم الذاتي أو الـ MOOC هو مسار حياتي معتمد لمن يريد تطوير مهاراته ويملك الوقت ولا يملك الموارد أو الإمكانات المادية للحصول علي كورسات تعليمية فى مجال ما بألاف الجنيهات، واصبحت مسألة الحصول على شهادات موثقة من أكبر الجامعات العالمية أمراً فى متناول يد العديد ممن يملكون الإرادة والإصرار على التعلم.

– كل ماتحتاجه للحصول على هذه المسارات التعليمية هو أن تكون فقط متصلاً بالإنترنت ولديك العزيمة والرغبة فى التعلم وبعض من الوقت الذي تقوم باستثماره لتحصل على شهادتك وخبرات جيدة فيما تريد تعلمه.

– حديثنا بيركز على أهم المواقع اللى بتقدم الكورسات الأونلاين وهو موقع كورسيرا Coursera للتعليم ومؤخراً موقع كورسيرا أضاف تحديثات على قسم الشهادات التخصصية “specialization certificates” وهذا القسم عبارة عن سلسلة كورسات مترابطة فى تخصص أو مجال معين يقوم باختياره الطالب وهذه الشهادات تقدمها أكبر جامعات أمريكا و العالم، و بعد الانتهاء من الكورسات يقوم الطالب بالمشاركة في مشروع تطبيقي أو كابستون حيث يقوم بتطبيق كل ما تعلمه و عند اجتيازه للاختبارات يحصل على شهادة متخصصة من (الجامعة و من موقع كورسيرا) تثبت دراسته لهذا المجال، وهذه الشهادة عالمية ويتم ربطها ببروفايل الطالب على موقع لينكد إن.

– الشهادات التخصصية دي بيقدمها الموقع بفلوس ولكن موقع كورسيرا بيتميز إنه بيقدم دعم مالي لكل من لا يستطيع دفع مبلغ الكورس بشرط أن تكون مستحقا لهذا الدعم وعلشان يتأكدوا من استحقاقك للدعم عملوا خطوات للتسجيل فى الدعم ده وفى الجزء اللى جاي من المقال هنعرفك إزاي تقدم على الدعم ده وتاخد شهادتك موثقة ومعتمدة وببلاش

خطوات الحصول على الدعم أو الـ financial Aid من موقع كورسيرا

1- أهم خطوة إنك تكون مسجل على موقع كورسيرا وليك حساب عليه وتقدر تسجل على الموقع عن طريق الضغط على اللنك ده https://goo.gl/tk2bMk

2- (الصورة رقم 1) تقدر تختار مجال من اللى موجودين على الموقع وتشوف الكورسات اللى بتتقدم في المجال ده أو تعمل بحث عن تخصص معين أو جامعة معينة عن طريق مربع البحث الخاص بالموقع.

3- (الصورة رقم 2) عند اختيارك واحد من الكورسات أو الشهادات المتخصصة واللى هنحط اللنك بتاعها فى الآخر تبدأ تقدم على الدعم أو الـ financial aid عن طريق إنك تضغط على المكان الموضح فى الصورة رقم 2

4- )الصورة رقم 3) هيطلعلك رسالة تأكيد على إن الأبليكاشن بتاعك هيأخد وقت 15 يوم للرد عليه علشان كده إنت لازم تشوف وتتأكد من مواعيد الكورسات اللى محتاجها علشان تقدم قبلها بوقت كاف طبعاً هتضغط على Continue to the Application

5- (الصورة رقم 4) فى الخطوة دى كورسيرا بتقولك إنها فخورة بتقديم الدعم ده علشان الناس تقدر تتعلم وتنمي مهاراتها وإن برنامج الدعم المالي ده مخصوص للأشخاص اللى مش قادرين يدفعوا ثمن الكورسات، وبتطلب تأكيدات وتعهدات منك بتعلم عليها صح فى المربعات.

التعهد الأول إن المعلومات اللى هتقدمها فى الأبليكاشن سليمة، والتعهد الثاني إنك هتخلص الكورس اللى إنت مقدم عليه، والتعهد الثالث إنك تقدم صورة تأكيدية من البطاقة بتاعتك أو أى إثبات رسمي منك وفى النهاية تاخد الجملة المكتوبة وتنقلها فى المربع اللى تحت زي ماهي بالظبط.

6- (الصورة رقم 5) دي الخطوة الأخيرة فى الأبليكاشن وفى الخطوة دي هترفع صورة البطاقة بتاعتك (وش البطاقة اللى فيه الصورة) وكمان هترفع صورة شخصية رسمية ليك علشان يقارنوها بصورتك اللى فى البطاقة وكمان أهم حاجة في الخطوة دي إنك هتجاوب على سؤالين السؤال الأول إنتا ليه محتاج الدعم والـ fund ده فى حوالي 150 كلمة والسؤال الثاني ازاي الكورس دا هيبقي مهم ليك فى مجال عملك وتقدمك الوظيفي برضه فى حوالي 150 كلمة وفى السؤالين دول لازم إجابتك تكون بأمانة وواضحة وتشرح حالتك بالظبط بلغة سهلة وبسيطة وتدوس بعد كده على زرار تقديم الأبليكاشن.

– بكده إنت خلصت أبليكاشن الحصول على الدعم المالي المقدم من كورسيرا وهتستني مدة 15 يوم علشان يردوا عليك وهما بيأكدوا إنهم لو احتاجوا أى معلومات إضافية هيراسلوك على الميل بتاعك اللى إنت مسجل بيه.

– دلوقتي بقي هنحط روابط لأهم مسارات الشهادات التخصصية اللى هتبدأ الفترة دي على كورسيرا علشان لو ناوى تتعلم حاجة فيهم تعمل خطوات التقديم اللى شرحناها هنا وبالتوفيق للجميع فى التقديم والتعلم.

1- Search Engine Optimization (SEO) Specialization

الكورس موجود على اللنك ده https://goo.gl/Rjn73X

2- Web Design for Everybody (Basics of Web Development and Coding) Specialization

الكورس موجود على اللنك ده https://goo.gl/4NULQj

3- Social Media Marketing Specialization

الكورس موجود على اللنك ده https://goo.gl/H8Uy8q

4- Big Data Specialization

الكورس موجود على اللنك ده https://goo.gl/PLZ4UE

—————————————————————————————————————————————————————————————————

وإحنا عندنا فى مصر مبادرة رائعة للتعلم التكنولوجي أطلقتها وزارة الاتصالات لو عايز تعرف معلومات عنها دوس على الرابط التالى 

التفاصيل الكاملة لمبادرة التعلم التكنولوجي التى أطلقتها وزارة الاتصالات ومركز الإبداع التكنولوجي

Journas

Never miss a story from us, get a weekly update to your inbox