woman in Gold

3 sec read

Woman in Gold  

امرأة من ذهب اسم لوحة من ضمن لوحات من ضمن غوستاف كليمت لسيدة اسمها أديل بلوخ باور ، سيدة مثقفة من أسرة يهودية نمساوية راقية اترسمت ليها في سنة 1903 لحد ما هتلر ضم النمسا إلي الرايخ واستولي علي ممتلكات العيلة ” المقتنيات” بما فيهم اللوحة دي . 

الفيلم مبني علي قصة حقيقة وأحداثه حول ماريا ألتمان سيدة من عيلة بلوخ باور بتحاول تسترد لوحة عمتها من النمسا بعد 62 سنة من الأستيلاء عليها بمساعدة محامي ابن صديقتها اللي كان رافض القضية في ألاول لكنه هيكمل لما يعرف سعر اللوحة وقيمتها .

الفيلم ناطق بالألمانية والأنجليزية لكن أبطال الفيم أغلبهم ألمان الفيلم بطولة الأنجليزية هيلين ميرين والأمريكي ورايان رينولدز والممثلة الكندية تاتيانا ماسلاني وألالماني دانيال برول  وألالمانية أنتيه تراوي . 

الفيلم من انتاج 2015 للمخرج سيمون كورتيس وتأليف ألاكسي كيا والموسيقي التصورية للفيلم لمرتن فيلبس وهانز تسيمر وانتاج بي بي سي قليل لما بي بي سي تنتج فيلم او بمعني صح تدخل شراكة في اي عمل الا لما يكون علي مستوي عالي . 

الفيلم واخد 7.3/10 علي  IMDb  الفيلم ممتع جداً المشاهد وأستخدام flash back  لربط الأحداث ببعضها اختيار الممثليين في الآدوار واختيار الملابس المناسبة للحقبة الزمانية سواء الحالية او ايام الحرب العالمية التانية والديكورات والرؤية البصرية للفيلم علي مستوي جيد ، كورتيس قدر يدخلك في حالة الفيلم والحالة النفسية ليه وتعاطفك مع ألتمان علشان تاخد حقها . 

الفيلم مدته ساعتين الا عشرة لكنه ممتع لأقصي درجة هتعيش معاهم في كل مشهد ، بشكل شخصي من اكتر الأفلام الوقت مر بيا من غير ما أحس بده . 

((: مشاهدة ممتعة –

Journas

Never miss a story from us, get a weekly update to your inbox