! look who’s back

3 sec read

 فيلم ألماني ساخر وخيالي كان موجود في دور العرض في 2015  وهو مقتبس من رواية ساخرة بنفس الأسم ، قصة الفيلم جديدة جداً عن عودة هتلر تاني للحياة راجع في 2015 مش فاهم التغييرات اللي حصلت ولا الأوضاع و هبتدي يفهم الاوضاع ألمانيا علي وجه الخصوص لكنه من وجه نظره انها ضيعفة والالمان بعد الحرب بقوا اغبية واهتمامتهم سطحية وانهم غير قادرين حتي علي صناعة رف علي حد قوله وان الأقتتصاد في عهده كان أقوي وان الصناعات والمصانع الموجودة أغلبها اتبنت في عهده . 

وهيتعمله برنامج في التليفزيون علي انه برنامج ساخر لكنه كان بيتكلم بشكل جدي وهينزل هيتكلم ويعرف آرائهم في الاوضاع .

والفيلم بيوضح برضو فكرة تقبل الالمان للآجئين والمهاجرين  وان هتلر مكنش غبي اللي غاوي خطابات وشعارات  بالعكس كان عنده رؤية اقتصادية وانه كان ينهض بألمانيا  . 

الفيلم تصويره كان جيد وفيها مشاهد كتير كادراتها كأنها واقعية مش مجرد انه تصوير لفيلم  وأختيار الممثليين واشكالهم مناسبة جداً للدور وطبعاً اختيار بطل الفيلم نفسه اللي آدي دور هتلر ” اوليفر ماسوشي ” أدي دوره بشكل رائع كأنك بتشوف هتلر نفسه والسيناريو خارج الصندوق زي ما بنقول يمكن الفكرة لما تتسمع انه شخصية تاريخيه عادت للواقع تبقا مستهلكة لكن قصة الفيلم مختلفة شكلاً ومضموناً ، الموسيقي التصويرية للفيلم كانت ملائمة جداً لفيلم كوميدي ساخر . 

الفيلم بطولة اوليفر ماسوشي وفابيان بوش وكاتيا ريمان وكريستوف ماريا وإخراج ديفيد فنيندت .  الفيلم  واخد 7/10 علي    IMDb . 

الفيلم خد جايزة “سيفيس ” لأفضل فيلم ورشح لعدة جوايز بعد كده منها جايزة افضل ممثل لاوليفر و افضل ممثل مساعد لفابيان وأفضل مخرج . 

Journas

Never miss a story from us, get a weekly update to your inbox