ماذا بعد نينو ؟

2 sec read

استكاملاً لمقال ” مش فيلم سيما ” وان هنا مفيش أميلي علشان يكون في نينو ، هنوسع خيالنا سوا نقول لا في نينو ! طب ماذا بعد نينو ؟؟ .

بعد ما وسعنا خيالنا وقولنا في نينو ولاقينه وطلع  شخص لطيف وقدم حبه ونفسه بشكل غير تقليدي هيحصل ايه بعديه يعني اخرتها  ايه برضو ؟! ايه آخر نينو ؟ ايه اخر الموضوع اصلاً ؟ في ناس كتير هترد وتقول جواز طيب جواز شكله ازاي برضو اتنين حبوا بعض واتجوزوا  بس المبهر بس في الموضوع انه قدم نفسه في شكل مختلف ! او حتى عبر عن حبه بشكل مختلف !! ماشي وبعدين نينو هيفضل مختلف بعد الجواز ولا هيبقى زوج تقليدي بيجي بيدور على الغدا ويتفرج علي التليفزيون وينام ويوم ما يحب يبقى لطيف اوي يخرجوا سوا ! مبقاش مبهر ولا مختلف ولا حاجة اهو زي باقي الجوازات يعني . 

ولا بلاش احنا منسبقش الدنيا اوي كده احنا نقول هيفضلوا مع بعض فترة ياتري برضو فترة دي مدتها اد ايه ؟ يعني كام يوم ولا كام شهر طب بلاش كام سنة ؟ طب هيعدوا ازاي عليهم ؟ وهم مبسوطين ولا حاسين بملل ومكملين علشان محدش عنده الجرأة الكافيه انه يقول كفاية ، هيفضلوا منبهرين ببعض زي الأول لا أكيد لا يعني صعب اللي عرفته في الفترة الأخيرة ان مدته الأنبهار بين الطرفين 3 شهور وبعد المدة دي شكل الأنبهار هيروح في ايه وهيفضل في ايه ولا هيروح كله ولا جزء منه هيتبقي يعني هو مثلاً كان شايفها الصديقة والحبيبة والزوجة  والحنية والدفا كله فيها بعد الفترة دي ده كله موجود وبنفس النسب القديمة ولا حصل خلل في حاجة فيهم لو حصل خلل يبقى في حاجة غلط من وجه نظري مش غلط غلط يعني بس كده العلاقة في طريقة إلي الزواااال ،  يعني مثلاً  ازاي هتتعامل مع الحبيبة بس مش الصديقة يعني هتبقى بتقول كلام حب بس مش قادر تفضفض عن مشاكلك او العكس الصديقة بس مبقتش قادرة تحبها زي الأول بس مش قادر تسيبها علشان هي بتفهمك والوحيدة اللي معها دايماً حلول ومناقشات وقضايا ولا الزوجة بقى مثلاً لو ماشينها بمفهومها في مصر يبقى حاجة قرف جداً يعني غسل واكل وشرب ونوم ! طيب يا معلم كده خدامة ليس الا مش اكتر ولو ماشينها بمقهومها في الأسلام والقرآن لتسكونوا إليها معني عظيم مليان دفا وأمان اه الزوجة كمان بتدي أمان زي الراجل ، أمان الحب أمان ان في حد معاك وهيسندك طول الوقت . 

ياتري هينتهي ازاي او هينتهي اصلاً ولا، ولاهيمشي بكل حاجة حلوة وهينتهي برضو !  برضة ماذا بعد نينو ؟ .. 

الصورة من فيلم Amelie 

Journas

Never miss a story from us, get a weekly update to your inbox