قايمة أفلام العيد

10 sec read

كل سنة وانتوا طيبين ويارب عيد سعيد علينا وعليكم . 

ندخل في المفيد قايمة افلام العيد للناس اللي مبتخرجش ولا تنزل في العيد وبتقضيها ترمس وافلام .

القايمة عبارة عن افلام متنوعة رومانسي واثارة وأكشن و انيميشن وعميق 😀  . 

اول فيلم هو فيلم Amiliè 

هو فيلم فرنسي وهو من اشهر الافلام الفرنسية ” حلوته في قصته شوف وانبسط و الفيلم بطولة أودري تاتو و ماثيو كاسوفيتز  ” الفيلم واخد علي IMDb 8.4/10 الفيلم ممتع جداً ومزيكا الفيلم من أحلي المزيكا اللي ممكن تسمعها في حياتك والفيلم واخد جايزة أماند لاحسن فيلم روائي طويل ٢٠٠٢ ، بس الفيلم لا يصلح للمشاهدة مع العيلة . 

Leon 

الفيلم مختلف في فكرته ومضمونه والتمثيل فيه رائع جداً ومزيكته والإخراج فيه جيد جداً الفيلم بطولة جان رينو و ناتالي بورتمان و جاري اولدمان  وواخد علي IMDb 8.6/10 ورشح لجوايز كتير منها أفضل اخراج وافضل ممثل وتقدر تشوفوا مع العيلة . 

Me before you 

الفيلم تبدو لوهلة قصته تقليدية زي الافلام العربي القديمة لكن التمثيل والأخراج فيه شئ متجدد جداً والمشاهد واماكن التصوير جميلة ومختلفة . 

الفيلم بطولة أميليا كلارك وسام كلافلن و الفيلم واخد 7.5/10  ويصلح للمشاهدة مع العيلة . 

Sully 

الفيلم سيرة ذاتية بطولة توم هانكس و آرون إيكهارت . 

7.5/10 ويصلح للمشاهدة مع العيلة . 

three colors red 

الفيلم العميق جداً 😀 فيلم فرنسي للمخرج العبقري كريستوف كيشلوفسكي الفيلم مختلف في قصته في تصوير في مضمونه في مشاهدة مختلف ومزيكته للعظيم زبيجنيو برايسنر والفيلم واخد 8.1/10 ولا يصلح للمشاهدة مع العيلة . 

Olympus has fallen 

بطولة جيرارد بلتر و آرون إيكهارت الفيلم اكشن وكله أثارة عن ظابط حراسات خاصة بينقذ البيت الابيض من  أرهابي كوريا الشمالية اللي هجم علي القصر ومع جيشه علي البلد الفيلم 6.5/10 ويصلح للمشاهدة مع العيلة . 

الانيميشن اجدد وأحلي الافلام الانيميشن 

the boss baby 6.4/10 

Despicable me 3 6.4/10 

في الأفلام العربي فيلم ياباني أصلي للنجم احمد عيد ويصلح جداً مع العائلة ، وفيلم لمؤاخذة للمخرج عمرو سلامة بطولة كندا علوش واحمد داش و هاني عادل الفيلم ممتع جداً و ترشيح آخر ينفع أي وقت وهو فيلم الناظر للجميل رحمه الله علاء ولي الدين . 

– لو عايز تشوف ترشيحات تانية شوف المدونة عيد جميل علينا وعليكم ومشاهدة ممتعة :))

Journas

Never miss a story from us, get a weekly update to your inbox