ريڤيوو أفلام على السريع

1 sec read

ريڤيوو أفلام على السريع

Perfect strangers 2016

فيلم إيطالي بيحكي عن 7 أشخاص تربطهم صداقة قديمة ومن المفترض انها قوية ، في عزومة عشا عند أحد الأصدقاء في ليلة خسوف قمر ، هيلعبوا لعبة بوضع تليفوناتهم على الترابيزة وكل لسه رسالة او مكالمة هتيجي تتقري بصوت عالي والكل يسمع وده مبني ع ان كل واحد فيهم معندهوش حاجة يخفيها ولكن الحقيقة العكس ، منهم اللي بتخون جوزها مع صحبه وبيخون مراته مع صحبتها واكتر ، واللي بيعرف بنت عن طريق التليفون وبتبعت صوره ليه ومنهم اللي شاذ ، لكن نهاية الفيلم قد تبدو غريبة او مش مفهومة لكن النهاية كانت انهم مرضيوش يلعبوا اللعبة وكل واحد مكمل في كدبته .

· الفيلم بطولة ادوارد ليو و جوزيبي باتيستون و ماركو جيليني و كاسيا سموتنياك وآنا فوجلياتا وفاليريو ماستندريا ألبا رواتشر وتأليف وإخراج باولو جينوفيس

الفيلم بشكل مش سئ لكنه مش مشوق ، في ملل في جزء كبير من الفيلم نقدر نقول كمان ان الساعة الأولي من الفيلم فيها ممل غير عادي وده سبب ان الفيلم كله متصور في مكان واحد وان الفيلم في كمية مشاهد حوارية لا تطاق كم كبير جداً ، من النادر اننا نلاقي مشهد صامت بدون حوار ، اما النصف ساعة المتبقية من الفيلم فكانت أكثر إثارة بسبب وجود أحداث ، وجود الخسوف في الفيلم المقصود بيه ان كل واحد فينا عنده جزء مخفي غير معلوم للي حوالينا .

الفيلم من الناحية التمثيل كان مقبول والسيناريو مكنش قوي لكن النهاية كانت غير متوقعة وقوية ومن الناحية الأخراجية مكنش سئ ومكنش جيد وده بسبب استخدام نفس اللقطات و عدم تغيير المكان ، اما عن الموسيقي التصويرية فكان استخدامها قليل جداً .

لو انت من محبي الأفلام ذات المكان الواحد هيعجبك الفيلم .

الفيلم مفيهوش مشاهد خارجة ولكن لا يفضل مشاهدته مع العيلة او أقل من 16 سنة .

الفيلم واخد علي موقع IMDb  7.8/10 .

مشاهدة ممتعة :))

Journas

Never miss a story from us, get a weekly update to your inbox