ريڤيوو أفلام على السريع

0 sec read

Damage 1992

الفيلم احداثه كلها بدور في لندن وفرنسا وبيحكي عن عضو برلمان متزوج وعنده أولاد هيقع فى حب خطيبة ابنه بشكل غير طبيعي ، وبالرغم من الأذي الكبير اللي ممكن يحصل لابنه نتيجة علاقته بخطيبته الا انه مش هيقدر يمنع نفسه ويمنع مشاعره ، واسم الفيلم مرتبط ارتباط قوي بقصة الفيلم وحالته ، والأذي اللي هيحل بيهم .

ومن وجهه نظري ان أكبر رسالة للفيلم هي انك لازم تتحكم فى مشاعرك او تتحمل نتيجة سيطرة مشاعرك عليك .

الفيلم هو بطولة جوليت بينوش و جيرمي ايرونز وروبرت جزيفز وتأليف جوزفين هارت وهو مقتبس عن رواية وإخراج لويس مال .

الفيلم رومانسى دراما ومشاهده هادي بعيدة عن اي صخب وأداء الممثليين فيه مميز وأداء جوليت بينوش مختلف عن اي فيلم ليها ، والأداء في أغلب المشاهد اذا مكنش كلها بعنيهم أكتر من الحوار ، وأداء جيرمي فى الفيلم عبقري مقنع باضطرابه ومشاعره المسيطرة عليه ، اما الموسيقى التصويرية للفيلم فهى للساحر زبجنيو برايسنر موسيقى أكتر رائعة وممتعة جداً كأغلب موسيقته .

الفيلم واخد علي IMDb 6.9/10 .

الفيلم +20 ولايصلح للمشاهدة مع العائلة اطلاقاً .

مشاهدة ممتعة :))

Journas

Never miss a story from us, get a weekly update to your inbox