ريڤيوو أفلام على السريع

1 sec read

ريفيوو أفلام على السريع

Pshyco 1960

الريفيو المرة دي مختلف شوية وعن فيلم قديم شوية – شوية كتير 😀 – فيلم من كلاسيكيات السينما ، لكنه فيلم أقل وصف ممكن نوصفه ليه انه رائع! فيلم خانق للانفاس ، فيلم إثارة ورعب من الدرجة الأولى ، فيلم يجذب انتباهك من أول دقيقة لآخر دقيقة ، فيلم للمخرج العبقري ألفريد هيتشكوك .

الفيلم بيحكي عن شابه بتشغل سكرتيرة في مكتب عقارات هتختلس فلوس من المكتب وهتهرب بيهم وفي اليوم هروبها وهو يوم ممطر هتضطر تنزل في فندق لحد الصبح لكن رحلتها مش هتكمل بسبب انها هتقتل . ” باقي القصة يعتبر حرق للاحداث ”

الفيلم مقتبس من رواية عن قصة حقيقة لمريض نفسي ” ايد جايان ” كان بيقتل الستات وكان بينبش القبور علشان ياخد جثث الستات اللي شبه أمه ، الفيلم ممتع بشكل غير عادي ومثير وفيه رعب من غير مشاهد دموية او عري او مناظر مخيفة ، الفيلم رعب نفسي وكاتم للانفاس رعب عن طريق النظرات والإضاءة والديكور ، التمثيل في الفيلم ده حقيقي عظيم والإضاءة لعبت دور غير تقليدي في الفيلم بأنها تديك إيحاء رعب نفسي بدون مشاهد او كلام ملهوش لزمة .

الفيلم بطولة جانيت ليه وانتوني بركنز وجون جافن و فيرا مايلز جون مسينتير وتأليف روبرت بلوخ و الموسيقي التصويرية بيرنارد هيرمان ، والفيلم اترشح 4 مرات للاوسكار .

الفيلم يصلح للمشاهدة مع العيلة .

الفيلم واخد علي موقع IMDb 8.5/10 .

مشاهدة ممتعة جداً ;))  

Journas

Never miss a story from us, get a weekly update to your inbox