ريڤيوو أفلام على السريع

1 sec read

سنة جديدة وبداية جديدة  وكالعادة لازم نبتديها بالافلام بس أفلام الكريسماس نوع مختلف عن باقي الأفلام فيه بهجة من نوع خاص . 

أول فيلم من أفلام الكريسماس اللي هنبتدي بيها هو elf 2003   ، بيحكي الفيلم عن قزم من أقزام بابا نويل العايشين في القطب الشمالي وصل لهناك عن طريق الخطأ لكنه أتربى معاهم وكبر وبقى واحد لحد منهم ما هيعرف حقيقته انه بشري مش قزم و هيدور على والده في نيويورك ومواقف بتجمع بينه وبين والده بعد كده بين رفضه وقبوله  ، الفيلم فنتازي كوميدي وهو بطولة ويل فيرل وزودي ديشانيل  وجميس كان و بوب نيوهارت وإخراج جون فافرو وسيناريو ديفيد بيرنبوم .

الفيلم بشكل عام خفيف وفيه براءة وطفولة ولو كنت من مفتقدي الكريسماس وفرحة السنة الجديدة الفيلم ده هيسيبك في حالة أحسن .

الفيلم حقق نجاح كبير جداً وقت عرضه وكانت أرباحه 220 مليون دولار وكمان اتعمل بعد كده مسلسل ، الفيلم واخد على IMDb 6.9\10 . 

– مشاهدة ممتعة وسنة جديدة سعيدة أحسن من أخواتها كمان :))

Journas

Never miss a story from us, get a weekly update to your inbox