4 أسباب تخليك تحضر حفلة Egyptian Project – متفوتهاش

3 sec read

“ايچيبشن بروچيكت” من الحفلات اللي متتفوتش و احنا جايبين لكم 4 اسباب تخليك لازم تحضرها ! 

1- “ايچيبشن بروچيكت” بيقدموا نوع من المزيكا نادر او مستحيل انك تلاقى حد غيرهم بيقدم فلكلور مصرى ممزوج بموسيقى إلكترونيه و بكلمات الاّف حافظينها .. الشكل ده من المزيكا مبهج جداً يخليك تروح انت و اصحابك ترقصوا و تقضوا ليله ما بعدها ليله ، غير إن الحفلة دي هتكون اّخر حفله ليهم في مصر السنه دي ، يعنى الليله دي لو ملحقتهاش هتستنى سنه كامله عشان تقدر تحضرلهم حفلة . 

2- الحفله موجوده في مكان مميز جداً في مصر القديمه ، سهل انك توصله بجانب انه واسع و مفتوح فـمش هتتخنق من الزحمه ، و لو بتدخن مش هتضايق اللي حواليك و هتبقى واقف براحتك و عندك مساحه كويسه جداً ترقص فيها مع اصحابك ، و الستيدج في مكان عالى جداً فـهتبقى شايفهم بسهوله حتى لو واقف فين .

3-  بالرغم من انهم فرقة من برا مصر إلا ان تذكرتهم رخيصه جداً ، ارخص من فرق تانيه كتير في مصر فـمش هتضايق ميزانيتك و مش معنى ان هي ارخص يبقى أسوأ ، بالعكس المكان معروف بتنظيمه الكويس ، اّخرها حفلة الفرعي ، و الفرقه مش تجارية عشان يخلوا التيكت غالية .

4-  نيجى بقى لأهم سبب – الحفله اللي هيعملوها في مصر مختلفه تماماً عن اي حفله عملوها قبل كده ، هتسمعوا فيها مزيكا جديده تماماً لأنهم مش هيبقوا لوحدهم هيبقى معاهم اصدقائهم ضيوف منهم مصريين هيغيروا من شكل المزيكا هتحضر حفله وتسمع مزيكا مسمعتهاش قبل كده ولا حتى في الساوند كلاود ..  و المفاجأة إن الحفلة هيكون فيها مزيكا “زار” ، فـبجد إوعوا تفوتوها .

إسمعوا اّخر تراكاتهم اللي لسه نازل النهاردة من هنا https://soundcloud.com/alkawkabeg/egyptian-project-as7a-ya-adam

Journas

Never miss a story from us, get a weekly update to your inbox