10 نصائح قبل اختيارك تصميم مطبخك

2 sec read

كتير منا في بداية تجهيز شقته بيبقى محتار قبل البدء في اختيار تصميم كل ركن في الشقة، ومن أهم الأركان دي المطبخ.

عشان كدة بنقدملكم النهاردة شوية نصائح قبل اختيار تصميم المطبخ:

1- مهم جدًا البدء في تصميم وتجهيز المطبخ قبل السباكة والكهرباء وتركيب السيراميك ،أي في مرحلة الطوب الأحمر، وده لأسباب كتير أهمها إننا منبقاش مقيدين بتصميم مطبخ محدد يتناسب مع السباكة والكهرباء أو لون معين يليق على السيراميك، ويكون متاح قدامنا أكتر من خيار.

2- تحديد عدد وحجم الأجهزة الكهربائية اللي هتتحط في المطبخ زي الثلاجة والبوتجاز والفرن عشان يكون في أكبر قدر ممكن من التنساق والانسجام بين مساحة المطبخ وحجم الأجهزة دي.

3- اختيار المكان الخاص بكل جهاز كهربائي بدقة عالية، ومراعاة ترك مساحات عشان الأبواب تتفتح بشكل جيد.

4- مراعاة وجود فيشة جنب كل جهاز كهربائي لتجنب منظر السلوك الكتيرة واللي في الغالب بتكون مزعجة.

5- التفكير في الهدف من كل وحدة في المطبخ وتحديد استخدامها وتصميمها على الأساس ده، بمعنى أنه على سبيل المثال وحدة خزين البصل والبطاطس لازم يكون فيها سبت من جوة.

6- بلاش الانخداع في الشكل والفورمة؛ لأن المطبخ بالذات لازم تكون وحداته بسيطة عشان يكون سهل في التنضيف.

7- ترك مساحة منطقية بين الوحدات العلوية والسفلية في المطبخ عشان يتم الاستفادة من الرخامة بوضع مستلزمات المطبخ عليها.

8- اختيار ألوان فاتحة للمطبخ لو مساحته صغيرة عشان تدي إحساس بالاتساع.

9- في حالة إن جدران المطبخ مش سيراميك يُفضل الاعتماد على الطلاء الزيتي للدهان عشان يكون سهل التنضيف بشكل مستمر.

10- التأكد من إن سيراميك أو بورسلين أرضية المطبخ من الأنواع اللي مش بتسمح بالانزلاق وغير قابلة لامتصاص الدهون وسهلة التنضيف وسميكة لتحمل الصدمات، ويجب ترك مسافة لا تقل عن 90 سم على أحد جانبي الحوض و70 سم على الجانب الآخر، مع عدم وضع أي أجهزة كهربائية في المساحة دي.

لو محتار في اختيار تصميم مطبخك وخامته كلمنا ومتشلش هم .

للحجز والاستعلام كلمنا على : 01148464479 – 01026484211

أو شرفنا بزيارة المعرض في دمياط الجديدة أول شارع المحجوب

Journas

Never miss a story from us, get a weekly update to your inbox