نصائح للحفاظ على الأجهزة الكهربائية أطول فترة ممكنة

3 sec read

نصائح من الريادة للحفاظ على الأجهزة الكهربائية أطول فترة ممكنة

الأجهزة الكهربائية من المفترض إنها سلع معمرة لكن مؤخرًا بقيت تعطل في فترة أقصر من عمرها الافتراضي بكتير وده بيكون في الغالب نتيجة لعدم استخدامها بالطريقة المثلى أو لسوء جودتها من البداية. هنقدملكم النهاردة نصائح مهمة للحفاظ على الأجهزة الكهربائية أطول فترة ممكنة بجودة جيدة

أولًا الغسالة : –

التزمى بالوزن المكتوب عليها ومتحطيش ملابس أكتر من اللازم عشان الموتور. – – البطاطين مكانها المناسب للغسيل مش الغسالة لأنها بتكون تقيلة جدًا علي الموتور وبترهقه، وفي حالة غسل ملابس شتوي ثقيلة تأكدي إن في فراغ مناسب لمليء المياه وإنك مشغلة برنامج غسيل الملابس الثقيلة. – يفضل وضع الغسالة علي قاعدة خشبية مش معدنية لتفادى الصدمات الكهربية عند حدوث أي عطل فيها. – متغسليش فيها إلا بعد انتهاء دورة الغسيل السابقة بـ 5 ساعات علي الأقل عشان تحافظي علي الموتور.

ثانيًا الثلاجة : –

إحرصي إن موضع الثلاجة يكون في مساحة مناسبة وجيدة التهوية وسيبي فراغ مناسب خلفها ومن جانبيها لعدم الضغط على المحرك. – متستخدميش آلات حادة في تنضيفها وخاصة الفريزر، واعتمدي علي فصل الكهرباء قبل تنضيفها بوقت كافي لذوبان التلج. – المشمع علي الأرفف صح بيحافظ علي نضافتها بس بيقلل من امتصاص الأطعمة للبرودة اللي بتحتاجيها لحفظها وبيزيد من استهلاك الفريون – غيري درجة البرودة حسب الجو حفاظًا على المحرك والفريون – تأكدي دايمًا من سلامة الإطار المطاطي على باب الثلاجة وإحكام إغلاقها، ويفضل يكون توكيل الشركة المصنعة هو المسؤول عن تصليحها دايمًا.

ثالثًا البوتاجاز : –

يفضل تنظيف البوتاجاز يوميًا حتى لا تتراكم عليه الدهون، وتنظف عيونه بخلة خشب او دبوس عشان تشتغل بطريقة جيدة. – اتأكدي من إن وصلة الغاز آمنة أو خرطوم الانبوبة والمنظم. – يجب عدم ملامسة ازرار التشغيل الا واليد نظيفة حتى لا تتراكم الاوساخ عليها.

رابعًا المكواة : –

عدم تركها كثيرا في التيار اختاري درجة الحرارة المناسبة لنوع القماش يُفضل تنظيفها كل شهر عن طريق وضع خل بالخزان وتشغيلها على اعلى درجة وتبخير الخل ومسح الرواسب اللى بتخرج من الثقوب ووضع ماء بها كذا مرة وتكرير نفس العملية بالماء حتى تنظف تماما.

خامسًا الخلاط : –

لازم يتم تقطيع الاطعمة قبل وضعها عشان متجهدش الموتور وكمان عشان متتكسرش سكينة الخلاط. -احرصي إن الخلاط يكون على مكان مستوى ومسطح لان الاماكن الغير متساوية ممكن تحرق الموتور. في حالة تسرب سائل الى الخلاط لازم تفصلي التيار وتنظيفه وتجفيفه جيدا حتى لا يحدث ماس كهربى. متسيبيش الخلاط او المطحنة في التشغيل مدة طويلة عشان متجهديش الموتور.

Journas

Never miss a story from us, get a weekly update to your inbox