تعرفي معانا على أنواع خامات المطبخ المختلفة

3 sec read

الخامات الموجودة فى السوق واللي ممكن تنفذي بيها مطبخك مختلفة و بقيت كتير اوى، واكيد محتارة ايه الأحسن فيهم ؟ وايه الفرق بينهم ؟
وإحنا في الريادة للمطابخ الحديثة  قررنا نعرفك مميزات كل خامة و ازاي تقدري تتعاملي معاها عشان يفضل مظهرها حلو ومتفقدش بريقها .

من اشهر الخامات :
1- الخشب : معروف بالمظهر الكلاسيكي الفخم، لكن بيتأثر بالعوامل الطبيعية زي الرطوبة و المياه و ده بيخليه مع الوقت احتمالية إن يظهر عيوب فيه او يفقد مظهره و جماله كبيرة .

2- الالومنيوم : من اشهر الخامات اللي ممكن تنفذي بيها مطبخك و هو من الخامات العملية جدا في المطبخ لأنه متين، ومع تطور الخامات و التصميمات و طرق التلوين بقي سهل يديكي الشكل المودرن أو حتى الرسومات اللي ممكن تناسب ديكور شقتك بتكاليف اقل بكثير من الخامات التانية، بس ده متوقف علي نوع الخامة اللي بتختاريها مع الالومنيوم زي الفيبر.

3- الكلادينج: من احدث الخامات اللي ظهرت في عالم الديكور و المطابخ في السنوات الاخيرة و هو من الخامات المستوردة.
بيكون عبارة عن الومنيوم و مطلى بمواد عازلة للحرارة و الرطوبة و الماء.
مميزاته: لمعته قوية و شكله أقرب الى الاكريليك
قوي ومتين _ وألوانه متعددة

4- الاكريليك او الهاي جلاس : هو نوع من انواع الاخشاب اللي بيتم عزلها بمواد عازلة للحرارة و الرطوبة و الماء.
و الاكريليك هو الاشهر في تصميمات المطابخ المودرن العصرية، ولو كان هو خيارك فبننصحك تتعاملي معاه بحرص لأنه بيتأثر بسوء الاستخدام.

5- الخشمونيوم : من المعلومات المغلوطة عنه انه بيكون فيه خشب، لكن الحقيقة إن هو الومنيوم بيتم طلائه بدهان الكتروستاتك بألوان و تشبيحات الخشب ليعطي في النهاية في مظهره الخارجي مظهر الخشب مع الحفاظ على متانة و جودة الالومنيوم.

6- إيفو جلوس Evo Gloss- : عبارة عن الواح عالية اللمعان، بتتميز بأشكالها و ألوانها المتعددة اللي بتمنحك احساس الرفاهية و الاناقة، وبتستخدم في صناعة المطابخ ووحدات الحمام و dressing room.
– مميزاتها: – ألوانها زاهية.
2. مقاومة للخدش.
3. سهلة التنظيف.

وأخيرًا إحنا في الريادة بنساعدك تختاري الخامة الأنسب لديكور شقتك، وتكون مناسبة لميزانيتك عشان مطبخك يكون قطعة فنية مش مكان كئيب تكرهيه.

شرفينا بزيارة معرضنا في دمياط الجديدة – أول شارع المحجوب عشان تتعرفي على الخامات اكتر وتختاري اللون المناسب ليكي

للحجز والاستعلام كلمينا على رقم : 01148464479- 01026484211

Journas

Never miss a story from us, get a weekly update to your inbox