أسباب زيادة وزنك و الخطوات اللازمة لإنقاصه

1 sec read

زيادة الوزن المفاجئة بتكون نتيجة عوامل وأسباب كتير غير الإفراط في تناول الطعام، هنقولك على3 أسباب ممكن تكون غايبة عنك ومن الممكن أنها تكون العامل الرئيسي لزيادة وزنك وكمان هنقولك الخطوات اللي

لازم تتبعها لإنقاص وزنك.

أسباب زيادة وزنك :

1- قلة النوم : من الطبيعي إننا كل ما سهرنا لوقت متأخر إحتمالية إننا نتناول الأكل بتكون أكبر، وده بيؤدي لزيادة استهلاك السعرات الحرارية اليومية ومع مرور الوقت بينتهي بينا الحال واحنا بنعاني من السمنة. وفي موضوع قلة النوم ده فيه كمان سبب ثاني وهو بيوكيميائي، لأننا لما بنحرم نفسنا من النوم، بتحصل تغيرات في مستويات الهرمونات اللي بتؤدي لزيادة الشعور بالجوع والشعور بأن نفس كمية الأكل اللي كنا بناكلها وبتخلينا نشبع مبقيتش كافية.

2- الإجهاد وقلة الراحة : الكورتيزول أو “هرمون التوتر” هو هرمون بيسيطر على مستويات الطاقة عندنا، وعلى كمية الأنسولين في الجسم وبيحافظ على مستويات السكر في الدم، زيادته بتؤدي إلى زيادة الشهية. كمان تغير نمط إفراز الكورتيزول بيبطئ عملية التمثيل الغذائي، وزيادة الكورتيزول والأدرينالين بتخلي جسمك عاجز عن حرق السعرات الحرارية والدهون والسكريات كالعادة. و يقوم بتخزينها حول البطن والوركين.

3- تباعد الفترات بين وجبات الطعام : وجود فترات طويلة بين كل وجبة والتانية، أحد اسباب صعوبة فقدان الوزن، لأن تخطي مواعيد وجبات الطعام بيؤدي الى ابطاء معدل الايض في الجسم وبالتالي حرق سعرات حرارية أقل.

الخطوات المهم اتباعها لإنقاص وزنك :

1- ابدأ بخطوات صغيرة :
التغييرات الصغيرة والتدريجية في عاداتك الغذائية هي أفضل طريق لنجاحك في الإلتزام بالرجيم، اعتمد علي تغيير واحد بس أسبوعياً عشان تدي نفسك وقت تعتاد عليه ويصبح عادة في حياتك.

2- ممارسة الرياضة نص المعادلة:
التزامك بالطعام الصحي وتقليل السعرات الحرارية بيحقق نص المعادلة لتحقيق نتيجة القوام و الوزن المثالي، وعشان تكمل المعادلة لازم تمارس التمارين الرياضية بانتظام، لأنها بتزود من معدل حرق السعرات الحرارية وبتحسن من وظائف أجهزة الجسم ، وكمان بتساهم في تقليل الإحساس بالتوتر.

3- النوم المنتظم :
عشان تحافظ علي الرجيم فإنت محتاج تنام كويس، لأن النوم يجب ألا يقل أو يزيد عن سبع لثمان ساعات ليساعد الجسم في حرق دهون أكثر؛ وده لأن المخ بيفرز هرمون اللبتين المسؤول عن الشعور بالشبع وحرق السعرات الحرارية.

والعكس صحيح، فقلة النوم بتنشط مراكز الجوع بالمخ وبتؤدي لإفراز هرمون الجريلين المسؤول عن الشعور بالجوع وتحفيز الشهية. وبالتالي بتزداد الشراهة للسكريات والوجبات السريعة.

4- أخيرًا اعمل الصح واعرف جسمك :
مفيش نظام غذائي مناسب للجميع، لأن لكل جسم طبيعته ونظام غذائي بيناسبه.
وفي ناس كتير من اللي بتقرر تخس عدد كيلوات كبير دون المتابعة مع الطبيب بتعاني من ترهل الجلد اللي بيظهر في الوجه والثدي والذراعين وغيرها. عشان كده ضروري تستشير طبيب عشان يرشحلك النظام الغذائي والنظام الرياضي المناسبين ليك.

شرفنا بزيارة عيادات الفراشة وهنساعدك تبدأ صح وتحقق حلمك وتوصل للوزن المثالي:

القاهرة : الدقي 28 ش مصدق برج الجومان فوق بورسلين ماجيستك.

الشرقية : الزقازيق ش الجناين بجواربنزينة علي زكي فوق نيو توبنج.

للحجز والاستعلام كلمنا على:

01111322789 – 0237493037 – 0552377023 – 01024846664

Journas

Never miss a story from us, get a weekly update to your inbox